ایران میں امریکی خفیہ ایجنسی ‘سی آئی اے’ کے خلاف کریک ڈاؤن، 8 ایجنٹ گرفتار

تہران (ڈیلی اردو/نیوز ایجنسی) ایران نے امریکی انٹیلی جنس ایجنسی سی آئی اے سے تعلقات کے الزام میں 8 افراد کو گرفتار کرلیا۔

خبررساں ایجنسی کے مطابق ایران میں پیٹرولیم مصنوعات کی قیمتوں میں اضافے کیخلاف جاری مظاہروں کے دوران ایرانی فورسز نے آٹھ افراد کو گرفتار کیا ہے جن کا تعلق امریکی انٹیلی جنس ایجنسی سی آئی اے سے بتایا جارہا ہے۔

#Iran arrests eight people linked to CIA during recent riots https://t.co/E5dOIpo0Vq

— Press TV ???? (@PressTV) November 28, 2019

ایرانی سرکاری نیوز ایجنسی کا دعویٰ ہے کہ ان گرفتار افراد نے سی آئی اے کے تعاون سے صحافی بننے کی آڑ میں کئی ممالک میں تربیت حاصل کی ہے۔

ایرانی انٹیلی منسٹری کا کہنا ہے کہ چھ افراد کو احتجاج میں شرکت کے دوران گرفتار کیا گیا جبکہ دو افراد کو معلومات بیرون ملک بھیجنے کی کوشش پر گرفتار کیا گیا۔

ایران کے رہبرِ اعلیٰ آیت اللہ علی خامنہ ای نے ملک میں پیٹرول کی قیمت میں اضافے کے خلاف حالیہ مظاہروں کو سازش قرار دیا اور دعویٰ کیا کہ اس سازش میں امریکا ملوّث ہے۔

ایران کے صدر ڈاکٹر حسن روحانی نے بھی مظاہروں کو امریکی اور بیرونی ممالک کی سازش قرار دیا ہے۔