ایران کے ساتھ مذاکرات کیلئے سٹیو وٹکوف اور جارڈ کشنر پاکستان جا رہے ہیں، امریکی صدر

واشنگٹن (ڈیلی اردو) امریکی صدر ڈونلڈ ٹرمپ نے کہا ہے کہ ایران کے ساتھ مذاکرات کے لیے ان کے نمائندے کل اسلام آباد پہنچ رہے ہیں۔

ٹروتھ سوشل پر اپنے پیغام میں ٹرمپ نے لکھا کہ ان کی ٹیم کل شام تک اسلام آباد میں مذاکرات کے لیے موجود ہوگی۔

امریکی صدر نے یہ بھی کہا کہ ایران کی جانب سے آبنائے ہرمز سے متعلق اقدامات اور گولیاں چلانے کے واقعات جنگ بندی معاہدے کی خلاف ورزی ہیں۔ ان کے مطابق آبنائے ہرمز کی بندش کے باعث ایران کو روزانہ بھاری معاشی نقصان ہو رہا ہے۔

ٹرمپ نے نیو یارک پوسٹ کو بتایا کہ ان کے خصوصی ایلچی برائے مشرق وسطیٰ سٹیو وٹکوف اور داماد جارڈ کشنر مذاکرات کے لیے اسلام آباد جا رہے ہیں، جبکہ انہوں نے عندیہ دیا کہ وہ خود بھی بعد میں پاکستان کا دورہ کر سکتے ہیں۔