ایرانی فورسز کی فائرنگ سے 6 افغان تارکین وطن ہلاک، متعدد زخمی

تہران (ڈیلی اردو) غیر قانونی طور پر ایرانی سرحد عبور کرنے کی کوشش کے دوران ایرانی سیکیورٹی فورسز کی فائرنگ سے 6 افغان تارکین وطن ہلاک اور متعدد شدید زخمی ہو گئے ہیں۔

ہیومن رائٹس آرگنائزیشن کی رپورٹ کے مطابق یہ واقعہ اس وقت پیش آیا جب افغان تارکین وطن نے سرحد عبور کرنے کی کوشش کی۔ رپورٹ میں بتایا گیا ہے کہ ایرانی سیکیورٹی فورسز نے تقریباً 120 افغان شہریوں پر گولیاں چلائیں، جن میں خواتین اور بچے بھی شامل تھے۔ اسی دوران صوبہ سیستان میں 40 افغان شہریوں کو حراست میں بھی لیا گیا۔

ایران کی حکومت اور افغان حکام نے اس واقعے پر ابھی تک کوئی باضابطہ بیان جاری نہیں کیا۔

واضح رہے کہ گزشتہ سال بھی ایرانی سرحدی علاقوں میں 300 سے زائد افغان شہریوں پر فائرنگ کی گئی تھی، جس میں کئی افراد ہلاک ہوئے تھے۔