ایل او سی کی صورتحال: ‏بھارت فالس فلیگ آپریشن کر سکتا ہے، شاہ محمود قریشی

ملتان (ڈیلی اردو) وزیرخارجہ شاہ محمود قریشی کا کہنا ہے کہ بھارت اپنے اندرونی مسائل سے دنیا کی توجہ ہٹانے کیلئے لائن آف کنٹرول کی مسلسل خلاف ورزی کر رہا ہے، فالس فلیگ آپریشن بھی کر سکتا ہے، بھارت کی طرف سے کسی بھی کارروائی کا بھرپور جواب دیا جائے گا۔

وزیر خارجہ شاہ محمود قریشی کا کشمیر اور لائن آف کنٹرول کی صورتحال پر مایوسی کا اظہار، کہتے ہیں کہ کشمیرکی صورتحال پر 2 روز قبل ویڈیو پیغام کے ذریعے اظہارتشویش کیا، 12 دسمبر کو خط کے ذریعے سلامتی کونسل کو تحفظات سے آگاہ کیا، نئے شہریت بل کیخلاف 10 سے زیادہ بھارتی ریاستوں میں احتجاج ہو رہا ہے، بھارتی اپوزیشن بھی سراپا احتجاج ہے۔

Foreign Minister Shah Mehmood Qureshi has urged the international community to take notice of dangerous steps taken by the Indian government which are badly affecting peace in the region. pic.twitter.com/EqCIONiias

— Ministry of Information & Broadcasting (@MoIB_Official) December 22, 2019

انہوں نے کہا کہ تمام اقلیتیں خصوصاً مسلمان شہریت بل کیخلاف مظاہرے کر رہے ہیں، بھارت نے مقبوضہ کشمیر میں 39 روز سے کرفیو نافذ کر رکھا ہے، صورتحال سے توجہ ہٹانے کیلئے بھارت فالس فلیگ آپریشن کر سکتا ہے.

وزیرخارجہ کا کہنا تھا کہ بھارت لائن آف کنٹرول کی مسلسل خلاف ورزی کر رہا ہے، 2 روز قبل بھارت کو متنبہ کیا تھا کہ پاکستان امن پسند ملک ہے، بھارت کی طرف سےکسی بھی کارروائی کا بھرپور جواب دیا جائے گا، گزشتہ روز پاک فوج نے بھارتی اشتعال انگیزی کا بھرپور جواب دیا، عالمی برادری مودی حکومت کے خطرناک کھیل کا نوٹس لے۔