باجوڑ اور مردان میں فائرنگ، تین افراد ہلاک، داعش نے ذمہ داری قبول کرلی

خار + مردان (نمائندگان ڈیلی اردو) پاکستان کے شورش زدہ صوبے خیبر پختونخوا کے قبائلی ضلع باجوڑ میں رات گئے شینکوٹ خوڑ میں نامعلوم عسکریت پسندوں کی فائرنگ سے تھانہ واڑہ ماموند کے ایس ایچ او محمد گل کا بیٹا خالد ہلاک ہوگیا۔ پولیس نے واقعے کی تحقیقات شروع کر دی ہیں۔

اسی علاقے خار میں باجوڑ کوثر کرکٹ گراؤنڈ میں ہونے والے دھماکے کی ذمہ داری داعش خراسان نے قبول کی ہے۔ دھماکے میں فضل اللہ نامی نامی نامینامنانشخص ہلاک جبکہ بچے سمیت دیگر افراد زخمی ہوئے تھے۔

ادھر ضلع مردان کے عیدگاہ روڈ پر فائرنگ کے نتیجے میں دو افراد جان کی بازی ہار گئے۔ زخمیوں کو ریسکیو 1122 نے ابتدائی طبی امداد کے بعد ایم ایم سی منتقل کیا، تاہم وہ جانبر نہ ہوسکے۔ ہلاک ہونے والے افراد کی شناخت انمر شاہ اور امتیاز کے طور پر کی گئی ہے، جو دونوں باجوڑ کے رہائشی تھے۔

پولیس نے دونوں علاقوں میں تحقیقات کا آغاز کر دیا ہے۔