باجوڑ میں مسجد میں دھماکا، متعدد ہلاکتوں کی متضاد اطلاعات

واشنگٹن (ش ح ط) پاکستان کے شورش زدہ صوبے خیبر پختونخوا کے ضلع باجوڑ کے علاقے چارمنگ میں ایک مسجد میں دھماکے کی اطلاعات موصول ہوئی ہیں۔ ابتدائی رپورٹس میں 30 افراد کے ہلاک ہونے کی غیر مصدقہ خبریں شامل ہیں۔

سیکیورٹی ذرائع کے مطابق ابتدائی شواہد سے ظاہر ہوتا ہے کہ دھماکہ مسجد کے اندر سے ہوا۔ تاہم کچھ مقامی افراد اور ذرائع اسے ڈرون حملہ قرار دے رہے ہیں۔

دوسری جانب کالعدم تنظیم تحریک طالبان پاکستان (ٹی ٹی پی) نے دعویٰ کیا ہے کہ دھماکہ مسجد پر لگنے والے میزائل یا ڈرون کے سبب ہوا، تاہم اس دعوے کی آزاد ذرائع سے تصدیق نہیں ہو سکی۔

علاقے میں جاری سیکیورٹی آپریشن کی وجہ سے رابطے محدود ہیں اور صورتحال کی آزادانہ تصدیق فی الحال ممکن نہیں۔ مزید تفصیلات کے لیے اطلاعات کا انتظار ہے۔

<hr />

نوٹ: یہ ابتدائی خبر ہے جس میں تفصیلات شامل کی جا رہی ہیں۔