باجوڑ میں مٹی کا تودہ گرنے سے 3 خواتین ہلاک

باجوڑ (ڈیلی اردو) خیبر پختونخوا کے قبائلی ضلع باجوڑ میں مٹی کا تودہ گرنے سے تین خواتین ہلاک ہوگئیں۔

تفصیلات کے مطابق جمعرات کو صبح تقریباََ 8 بجے تحصیل ماموند کے علاقہ کٹکوٹ میں خواتین عید کیلئے گھروں پر لیپ کرنے والی مٹی لے جارہی تھی کہ کھدائی کے وقت مٹی کا تودہ ان پر گر پڑا۔

Bajaur: Three women were killed in a landslide in Kitkot area of Mamond Tehsil, hospital sources said

— Bilal Yasir (@BilalYasirBjr) May 14, 2020

خواتین کو زخمی حالت میں ہسپتال منتقل کیا گیا لیکن وہ ہسپتال پہنچنے سے پہلے ہی دم توڑ چکی تھیں۔ ہلاک ہونے والوں میں 13 سالہ دختر نیاز گل، 35 سالہ زوجہ محمد بشیر اور 33 سالہ زوجہ خان شیر شامل ہیں۔