باجوڑ میں پمپ پر گرینڈ حملہ ، خیبر میں چیک پوسٹ پر دہشتگردوں کاحملہ

پشاور(ڈیلی اردو)  خیبرپختونخوا کے قبائلی اضلاع ایک بار پھر دہشتگردی کی لپیٹ میں آ گئے، جہاں ضلع باجوڑ اور ضلع خیبر میں شدت پسندوں نے دو مختلف مقامات پر حملے کیے۔ باجوڑ میں پٹرول پمپ کو گرنیڈ حملے سے نشانہ بنایا گیا، جبکہ خیبر میں پاک افغان شاہراہ پر واقع زیڑے چیک پوسٹ پر شدت پسندوں کی جانب سے فائرنگ کی گئی۔

تفصیلات کے مطابق ضلع باجوڑ کے علاقے جار میں جمال پٹرول پمپ پر رات گئے نامعلوم افراد نے دستی بم سے حملہ کیا، جس کے نتیجے میں ایک شخص شدید زخمی ہوگیا، جبکہ پمپ کی عمارت، دفاتر، دروازے، شیشے اور ایک گاڑی کو شدید نقصان پہنچا۔ زخمی کو فوری طور پر قریبی اسپتال منتقل کر دیا گیا۔ واقعے کے بعد سیکیورٹی ادارے موقع پر پہنچ گئے اور جائے وقوعہ کو گھیرے میں لے کر تحقیقات کا آغاز کر دیا گیا۔

ادھر ضلع خیبر میں پاک افغان شاہراہ پر زیڑے چیک پوسٹ پر شدت پسندوں نے پولیس اور ایف سی کی چیک پوسٹوں کو نشانہ بنایا۔ پولیس ذرائع کے مطابق حملے کے جواب میں سیکیورٹی فورسز نے بھرپور جوابی کارروائی کی، تاہم اس حملے میں تاحال کسی جانی نقصان کی اطلاع موصول نہیں ہوئی۔