بحرین میں ایرانی گروپ کے متعدد شدت پسند گرفتار، بڑی مقدار میں اسلحہ اور دھماکا خیز مواد برآمد

منامہ (ڈیلی اردو) خلیجی ممالک بحرین نے سول عسکری اداروں پر دہشت گردی کی منصوبہ بندی کرنے والے ایک گروپ کو گرفتار کرنے کا دعوی کیا ہے۔

غیر ملکی خبررساں ادارے کے مطابق بحرین میں حکام نے ’دہشتگرد گروپ‘ کے متعدد ارکان کو حراست میں لے لیا جو سول و عسکری اداروں پر حملوں کی منصوبہ بندی کررہے تھے۔

بحرین کے وزارت داخلہ کے مطابق ملکی سلامتی کے پیش نظر سیکیورٹی فورسز نے نیشنل انٹیلی جنس سروس کے ساتھ ملکر ایک آپریشن کیا جس کے نتیجے میں دہشت گردی کی منصوبہ بندی میں ملوث متعدد ارکان کو گرفتار کرلیا گیا۔

في إطار الجهود الأمنية لحفظ أمن الوطن وفي عملية أمنية استباقية بالتعاون مع جهاز المخابرات الوطني ..
المباحث والأدلة الجنائية: القبض على عناصر إرهابية شرعت في التخطيط والإعداد لعمليات ارهابية تستهدف الامن والسلم الاهلي .. يتبع

— Ministry of Interior (@moi_bahrain) November 22, 2021

وزارت داخلہ کے مطابق گرفتار دہشت گردوں کے قبضے سے بڑی مقدار میں ہتھیار اور دھماکا خیز مواد برآمد ہوا ہے جو ممکنہ طور پر ایرانی ساختہ ہتھیار ہیں اور گرفتار افراد پر بھی شبہ ظاہر کیا جارہا ہے وہ ایران میں موجود شدت پسندوں سے رابطے میں تھے۔

وضبط أسلحة ومتفجرات مصدرها إيران لدى تلك العناصر المرتبطة بمجموعات إرهابية موجودة في إيران.

— Ministry of Interior (@moi_bahrain) November 22, 2021

واضح رہے گذشتہ سال نومبر میں بحرین کی اعلیٰ فوجداری عدالت نے 51 ملزمان کو 5 سال سے عمر قید کی سزا سنائی گئی تھی جن پر الزام تھا کہ وہ مختلف طریقوں سے دہشت گردوں کی معاونت کررہے تھے اور ملزمان سپاہِ پاسداران انقلاب ایران سے احکامات لے رہے تھے۔

دوسری جانب امریکا نے بحرین سے تعلق رکھنے والے ایران کے حمایت یافتہ گروپ کو دہشت گرد تنظیم کی فہرست میں شامل کردیا ہے۔

امریکا کی جانب سے جاری بیان میں کہا گیا کہ یہ تنظیم امریکا کی قومی سلامتی اور خارجہ پالیسی کے لیے ایک خطرہ بنا ہوا تھا۔