13/September/2025

بلوچستان میں 4 پاکستانی طالبان ہلاک، اسلحہ اور دھماکا خیز مواد برآمد

👁️ 309 بار دیکھا گیا

ایڈمن
امریکا
بلوچستان میں 4 پاکستانی طالبان ہلاک، اسلحہ اور دھماکا خیز مواد برآمد

بلوچستان میں 4 پاکستانی طالبان ہلاک، اسلحہ اور دھماکا خیز مواد برآمد

راولپنڈی (ک م)  پاکستان کے شورش زدہ صوبے بلوچستان کے ضلع مستونگ میں سیکیورٹی فورسز کے انٹیلی جنس معلومات کی بنیاد پر کیے گئے آپریشن میں کالعدم تحریک طالبان پاکستان کے چار دہشت گرد ہلاک ہو گئے۔ ہلاک دہشت گردوں کے قبضے سے اسلحہ، گولہ بارود اور دھماکا خیز مواد بھی برآمد کیا گیا۔

 

پاکستانی فوج کے شعبہ تعلقات عامہ (آئی ایس پی آر) کے مطابق دہشت گرد علاقے میں متعدد دہشت گرد سرگرمیوں میں ملوث تھے۔ آپریشن کے دوران دہشت گردوں کے ٹھکانے کو مؤثر نشانہ بنایا گیا اور شدید فائرنگ کے تبادلے کے بعد انہیں ہلاک کیا گیا۔

 

آئی ایس پی آر نے کہا ہے کہ علاقے میں کسی بھی دیگر دہشت گرد کو ختم کرنے کے لیے کلیئرنس آپریشن جاری ہے اور پاکستان کی سیکیورٹی فورسز ملک سے دہشت گردی کے ناسور کو جڑ سے ختم کرنے کے لیے پُرعزم ہیں۔

 

خیال رہے کہ گزشتہ روز بھی خیبر پختونخوا کے تین اضلاع شمالی وزیرستان، مہمند اور بنوں میں کیے گئے آپریشنز میں دہشت گردی میں ملوث 19 عسکریت پسند ہلاک ہوئے تھے۔ مہمند کے علاقے گلونو میں 14 اور شمالی وزیرستان کے دتہ خیل میں 4 دہشت گرد ہلاک ہوئے تھے۔

 

‏پاکستان، کالعدم تحریک طالبان پاکستان (ٹی ٹی پی) سے تعلق رکھنے والے عسکریت پسندوں کیلئے خوارج کی اصطلاح استعمال کرتا ہے۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C