بلوچستان میں سی ٹی ڈی کی کارروائی، لشکر جھنگوی اور داعش کے 4 دہشتگرد ہلاک

کوئٹہ (ڈیلی اردو) کاؤنٹر ٹیرر ازم (سی ٹی ڈی) نے صوبہ بلوچستان کے ضلع بولان میں کارروائی کرتے ہوئے تعلق لشکر جھنگوی اور داعش پاکستان چار دہشتگردوں کو ہلاک کر دیا ہے۔

سی ٹی ڈی ذرائع کے مطابق بولان کے علاقے آب گم میں بڑی کارروائی کی گئی، کاروائی خفیہ اطلاع پر کی گئی، دہشت گرد کوئٹہ میں سیکورٹی فورسز پر حملے کی تیاری کررہے تھے۔ دہشت گردوں اور سی ٹی ڈی کے درمیان فائرنگ کا تبادلہ ہوا۔

ذرائع کے مطابق فائرنگ کے تبادلے میں کاروائی میں 4 دہشت گرد مارے گئے جبکہ 3 دہشت گرد فرار ہوگئے، دہشت گردوں کے قبضہ سے بڑی مقدار میں اسلحہ و گولہ بارود برآمد کیا گیا۔ پکڑے جانے والے اسلحہ میں ایس ایم جی، پسٹلز، 5 کلو دھماکہ مواد اور دیگر سامان شامل ہے۔

سی ٹی ڈی ذرائع کے مطابق مارے والوں میں کالعدم تنظیم کے کمانڈر اکرم زہری، احمد اللہ، سکندر اور شادی خان شامل ہیں۔

اکرم زہری کا نام انتہائی مطلوب دہشت گردوں کی فہرست میں شامل اور سر کی قیمت پچاس لاکھ مقرر تھی۔ ہلاک دہشتگردوں کا تعلق لشکر جھنگوی اور داعش پاکستان سے تھا۔

دہشت گردوں کے خلاف سی ٹی ڈی تھانے میں مقدمہ درج کرلیا گیا۔