بلوچستان: چاغی میں جمیعت علما اسلام کے رہنما ہلاک، پولیس اور سکیورٹی اہلکاروں پر حملے

کوئٹہ (بیورو رپورٹ ) پاکستان کے شورش زدہ صوبے   بلوچستان کے شورش زدہ ضلع چاغی میں عسکریت پسندوں نے فائرنگ کرکے جمیعت علما اسلام کے رہنما مولوی کلیم اللہ کو ہلاک کر دیا۔ 

واقعے کے بعد سکیورٹی فورسز نے علاقے میں سرچ آپریشن شروع کر دیا ہے۔ 

اسی دوران ضلع اوستہ محمد کے علاقے میں پولیس وین پر دستی بم حملے میں 6 افراد زخمی ہو گئے، جن میں 4 پولیس اہلکار اور 2 راہگیر شامل ہیں۔ 

پولیس کے مطابق تھانہ سٹی کی حدود ریلوے پھاٹک کے قریب نامعلوم موٹرسائیکل سواروں نے پولیس موبائل پر دستی بم سے حملہ کیا۔ زخمی ہونے والوں میں عبدالنبی، قادر بخش، عبداللہ، بہرام اور دیگر شامل ہیں۔ زخمیوں کو فوری طور پر اسپتال منتقل کر دیا گیا۔

 پولیس نے علاقے کی ناکہ بندی کر کے ملزمان کی تلاش شروع کر دی ہے اور مزید تحقیقات جاری ہیں۔ اسی طرح خضدار میں فورسز کی چوکی پر حملے میں بھی 6 اہلکار زخمی ہو گئے ہیں۔