بلوچستان: چمن میں فائرنگ سے جمعیت علمائے اسلام کے اہم رہنما ہلاک

کوئٹہ (نمائندہ ڈیلی اردو) پاکستان کے شورش زدہ صوبے بلوچستان کے سرحدی شہر چمن کے علاقے کلی محمد حسن میں جمعیت علمائے اسلام (ف) تحصیل چمن کے رہنما حافظ عبدالقادر جان کو نامعلوم مسلح افراد نے فائرنگ کرکے ہلاک کر دیا۔

لیویز حکام کے مطابق واقعے کے بعد لاش کو قانونی کارروائی کے لیے اسپتال منتقل کر دیا گیا۔ حادثے کے بعد بڑی تعداد میں کارکن اسپتال کے باہر جمع ہو گئے اور واقعے پر احتجاج کیا۔

 ذرائع کے مطابق حافظ عبدالقادر جان نہ صرف جے یو آئی کے سالار تھے بلکہ پولیو ویکسینیشن مہم کے سپروائزر کے طور پر بھی خدمات انجام دے رہے تھے۔

واقعے کی تفتیش شروع کر دی گئی ہے اور علاقے میں حفاظتی اقدامات سخت کر دیے گئے ہیں تاکہ مزید ناخوشگوار واقعات سے بچا جا سکے۔