بلوچستان: ژوب میں اے ٹی ایف گاڑی پر فائرنگ، ایک افسر ہلاک، 3 اہلکار زخمی

کوئٹہ (بیورو رپورٹ)صوبہ ‏بلوچستان کے ضلع ژوب میں ڈی آئی خان قومی شاہراہ سلیازہ کے قریب اے ٹی ایف گاڑی پر مسلح دہشت گردوں کی فائرنگ سے ایک افسر ہلاک اور تین اہلکار زخمی ہوگئے۔

ڈیلی اردو کے مطابق اے ٹی ایف گاڑی پر نامعلوم مسلح دہشت گردوں کے حملے میں اسسٹنٹ سب انسپکٹر گوہر مشتاق ہلاک مطابق جبکہ حملے میں اینٹی ٹیررزم فورس (اے ٹی ایف) کے 3 اہلکار امیر محمد، محمد شفیق اور نور الدین زخمی ہوگئے۔

پولیس حکام کے مطابق حملے میں تین اہلکار امیر محمد، محمد شفیق اور نور الدین زخمی ہوگئے۔

اطلاع ملتے ہی فورسز کی بھاری نفری جائے وقوعہ پر پہنچ گئیں اور شہید اہلکار اور زخمیوں کو ٹراما سینٹر ژوب منتقل کیا۔

پولیس حکام کے مطابق حملے میں دو شدید زخمیوں کو سی ایم ایچ منتقل کردیا گیا۔