بنوں میں سکیورٹی فورسز کے قافلے پر حملہ، ایک اہلکار ہلاک، 4 زخمی

اسلام آباد (ش ح ط) صوبہ خیبرپختونخوا کے ضلع بنوں میں سیکیورٹی فورسز کے قافلے پر دہشت گردوں کے حملے میں سیکیورٹی فورسز کا ایک اہلکار ہلاک جب کہ چار زخمی ہوگئے۔

بنوں کے علاقے غوڑہ بکا خیل میں سکیورٹی فورسز کی گشتی پارٹی پر دہشت گردوں کے حملے میں حوالدار سکندر ہلاک اور 4 اہلکار زخمی ہوگئے۔ لاش اور زخمیوں کو سی ایم ایچ منتقل کر دیا گیا، سیکورٹی فورسز نے علاقے کو گھیرے میں لیکر سرچ آپریشن شروع کردیا ہے۔#BakkaKhel #Bannu #Pakistan

— Shabbir Hussain Turi (@ShabbirTuri) October 24, 2023

سیکیورٹی ذرائع کے مطابق بنوں کے علاقے غوڑہ بکا خیل میں گیس تلاش کرنے والی کمپنی کی حفاظت کیلئے تعینات سیکیورٹی فورسز کے قافلے پر دہشت گردوں کی فائرنگ کے نتیجے میں حوالدار سکندر ہلاک جبکہ چار اہلکار زخمی ہوگئے۔

لاش اور زخمیوں کو سی ایم ایچ منتقل کر دیا گیا۔

سیکیورٹی ذرائع کے مطابق سیکیورٹی فورسز نے علاقے کو گھیرے میں لے لیا ہے اور سرچ آپریشن جاری ہے۔

تا حال واقعہ کی ذمہ داری کسی گروپ یا تنظیم نے قبول نہیں کی ہے۔