بنوں کے بکاخیل میں کواڈ کاپٹر حملہ، 2 شہری زخمی

بنوں(ڈیلی ارود) خیبر پختونخوا کے شورش زدہ ضلع بنوں کے علاقے بکاخیل میں کواڈ کاپٹر ڈرون حملے کے نتیجے میں 2 شہری زخمی ہوگئے، جن میں سے ایک کی حالت تشویشناک بتائی جاتی ہے۔

ذرائع کے مطابق بکاخیل کے شاکر چوک میں کواڈ کاپٹر کے ذریعے حملہ کیا گیا، جس کے نتیجے میں رحمت اللہ عرف عظمت اور نوردا علی خان زخمی ہوئے۔ دونوں زخمیوں کو فوری طبی امداد کے لیے ہسپتال منتقل کیا گیا۔

زخمیوں میں سے ایک کی حالت تشویشناک ہونے پر اسے مزید علاج کے لیے پشاور منتقل کردیا گیا۔ واقعے کی اطلاع ملنے پر ڈی ایس پی سب ڈویژن وزیر حفیظ الرحمان ہسپتال پہنچے اور زخمیوں کی عیادت کی۔

پولیس نے واقعے کی تحقیقات شروع کردی ہیں جبکہ حملے کے محرکات اور ذمہ داروں کے تعین کے لیے مزید کارروائی جاری ہے۔