تکنیکی خرابی کے باعث فیس بک اور انسٹاگرام کے صارفین کو شدید پریشانی کا سامنا

اسلام آباد (ڈیلی اردو) فیس بک اور انسٹاگرام کے صارفین کو تکنیکی خرابی کے باعث پریشانی کا سامنا ہے۔

تفصیلات کے مطابق پاکستان سمیت دنیا بھر میں فیس بک اور انسٹاگرام میں مسائل پیدا ہوئے جس کے باعث کوئی تصویر اپ لوڈ نہیں ہو رہی اور نہ ہی سٹیٹس اپ ڈیٹ ہورہا ہے ۔ اس کے علاوہ میسنجر پر بھی کوئی تصویر نہیں بھیجی جارہی ہے۔ اسی طرح فیس بک کی ملکیت دوسری سوشل میڈیا ایپ انسٹاگرام کے صارفین کو بھی مسائل کا سامنا کرنا پڑ رہا ہے۔

We're focused on working to resolve the issue as soon as possible, but can confirm that the issue is not related to a DDoS attack.

— Meta (@Meta) March 13, 2019

گزشتہ پانچ گھنٹے کے دوران نہ صرف پاکستان میں بلکہ دنیا بھر کے صارفین کو فیس بک اور انسٹاگرام کے استعمال میں مسائل کا سامنا کرنا پڑ رہا ہے۔ خیال رہے کہ فیس بک پر براﺅزنگ تو ٹھیک ہورہی ہے لیکن کوئی بھی چیز اپ لوڈ نہیں ہورہی ۔ فیس بک انتظامیہ کا کہنا ہے کہ وہ اس معاملے کو دیکھ رہے ہیں اور ماہرین کوشش کر رہے ہیں کہ جلد از جلد یہ مسئلہ حل کرلیا جائے۔