جامعہ الازہر نے پاکستان میں پولیو ویکسین کے خلاف فتویٰ مسترد کردیا

قاہرہ (ڈیلی اردو) دنیا میں مسلمانوں کی سب سے بڑی دینی درس گاہ مصر کی جامعہ الازہر نے پاکستان میں پولیو ویکسین پر پابندی کے حوالے سے فتوے جاری کرنے سے خبردار کرتے ہوئے کہا ہے کہ پولیو ویکسین ایک مذہبی، طبی اور انسانی فریضہ ہے۔

ڈان نیوز کے مطابق یونیورسٹی کی جانب سے ٹوئٹ کرتے ہوئے کہا گیا کہ پولیو ویکسین پر پابندی عائد کرنا پاکستان میں بچوں اور خاندانوں کے حقوق کی خلاف ورزی ہے، شریعت کے مطابق ایسی ویکسین کے استعمال سے گریز ممنوع ہے جو بچے کی صحت کے لیے فائدہ مند ہو۔

١/ #الأزهر يوجه نداءً عالميًّا لإغاثة #باكستان

الأزهر يحذِّر من فتاوى تحريم لقاح #شلل_الأطفال بباكستان ويؤكِّد أن اللقاح واجب ديني وطبي وإنساني pic.twitter.com/1U8EevkAQs

— الأزهر الشريف (@AlAzhar) October 12, 2022

پاکستان میں بچوں کو پولیو ویکسین پلانے کے لیے حکام کو ویکسین کے حوالے سے افواہوں، خوف اور ورکرز پر تشدد کا بڑا چیلنج درپیش ہے جہاں رواں سال ملک میں اس لاعلاج مرض کے 19 کیسز رپورٹ ہو چکے ہیں۔

وزیرصحت عبدالقادر پٹیل کی قاہرہ میں جامعہ الازہر کے امام احمد الطیب سے ملاقات ہوئی، ملاقات میں عبدالقادر پٹیل نے پاکستان میں سیلاب سے تباہ کاریوں کے حوالے سے آگاہ کیا۔

Grand Imam of Al Azhar University, Prof. Ahmad At-Tayyeb received Mr. Abdul Qadir Patel, Pakistan's Federal Minister for National Health Services at Cairo for a briefing on the latest developments in the flood crisis in Pakistan.@WHO @gatesfoundation @AlAzhar @PakinEgypt pic.twitter.com/4zUjEduLsb

— Ministry of National Health Services, Pakistan (@nhsrcofficial) October 12, 2022

پاکستان کی وزارت برائے قومی صحت اور خدمات نے ٹوئٹ کرتے ہوئے ملاقات کی تصدیق کی۔

یونیورسٹی کی جانب سے پاکستان میں سیلاب کی تباہ کاریوں، بے گھر افراد اور وبائی امراض کے پھیلاؤ کے حوالے سے تمام ممالک، عوام اور امدادی اداروں پر زور دیا کہ وہ پاکستان کے ساتھ اظہار یکجہتی کریں اور اس مشکل میں پاکستان کی مدد کریں۔

امام احمد الطیب نے سیلاب سے جاں بحق افراد کے لیے خصوصی دعا کرتے ہوئے کہا کہ پاکستان ایک باہمت قوم ہے اور اس قدرتی آفت کا مقابلہ کرسکتی ہے۔