جنوبی وزیرستان میں ایک ماہ کیلئے دفعہ 144 نافذ

وانا (ڈیلی اردو) صوبہ خیبر پختونخواہ کے قبائلی ضلع جنوبی وزیرستان میں دفعہ 144 نافذ کر دی جب کہ پولیس اور ایف سی کے جوان علاقہ اسپن پہنچ گئے۔

تفصیلات کے مطابق ضلعی انتظامیہ نے جنوبی وزیرستان میں دفعہ 144 کے نفاذ کے بعد گرفتاریاں عمل میں لانے کیلئے کریک ڈاؤن کا فیصلہ کیا گیا ہے۔

ڈپٹی کمشنر خالد اقبال خٹک کی طرف سے جاری نوٹیفیکیشن کے مطابق تھری ایم پی او کے تحت لا اینڈ آرڈر حالات کو بگاڑنے والوں کو تیس دن تک جیل میں ڈالا جائیگا، ضلع میں ایک ماہ کیلیے ہر قسم کے اسلحہ کی نمائش ہر پابندی ہوگی، کالے شیشے والی گاڑیوں پر بھی پابندی ہوگی۔

اطلاعات کے مطابق کارکنڑہ ملکیتی تنازع میں مورچہ زنی اور قومی لشکرکشی کے پاداش میں ڈی سی جاوید اقبال کی ہدایت پر دوتانی اور زلی خیل وزیر قبائل مشران کے خلاف تھری ایم پی او کے تحت وارنٹ گرفتاری کی احکامات جاری کئے گئے ہیں، آج سے پکڑ دھکڑ کا سلسلہ شروع کیا جائیگا۔