جنوبی وزیرستان میں سکیورٹی فورسز کا آپریشن، ٹی ٹی پی کمانڈر اور دو خودکش حملہ آوروں سمیت 11 دہشتگرد ہلاک

راولپنڈی (کا م) سیکورٹی فورسز کا صوبہ خیبر پختونخوا کے قبائلی ضلع جنوبی وزیرستان کے علاقے وانا میں انٹیلی جنس بیس آپریشن کے دوران فائرنگ کے تبادلے میں دو خودکش حملہ آور سمیت گیارہ دہشتگرد مارے گئے۔

پاک فوج کے تعلقات عامہ کے شعبہ (آئی ایس پی آر) کے مطابق سیکیورٹی فورسز نے جنوبی وزیرستان کے علاقے وانا میں خفیہ اطلاعات پر آپریشن کیا، جس کے نتیجے میں دہشت گردی کی بڑی کارروائی کو کامیابی سے بروقت ناکام بنا دیا گیا۔

آپریشن کے دوران شدید فائرنگ کے تبادلے میں کالعدم تحریک طالبان پاکستان کے اہم کمانڈر حفیظ اللہ عرف طور حافظ اور 2 خودکش بمباروں سمیت 11 دہشت گرد مارے گئے، ہلاک دہشت گردوں سے بھاری مقدار میں اسلحہ اور گولہ بارود بھی برآمد کرلیا گیا۔

مارے گئے دہشت گرد جنوبی وزیرستان میں سیکیورٹی فورسز کے خلاف دہشت گردی کی کارروائیوں اور پولیس کی ٹارگٹ کلنگ میں ملوث تھے۔