جنوبی وزیرستان میں مبینہ ڈرون حملہ، 2 بچے ہلاک، ایک زخمی

اسلام آباد (ش ح ط) معتبر ذرائع کے مطابق اطلاعات صوبہ خیبر پختون خوا کے قبائلی ضلع جنوبی وزیرستان کے علاقے زنگاڑہ خدر خیل میں مبینہ ڈرون حملے میں شاہد اللہ اور الہام اللہ نامی بچے ہلاک ہوگئے۔

https://twitter.com/ShabbirTuri/status/1636041416475398144?t=4d2iZtToitX1O33kHIdZ4g&s=19

ذرائع کے مطابق علاقہ زنگاڑا کے خدرخیل مارکیٹ ایریا میں مبینہ ڈرون حملہ ہوا ہے جس میں 5 سالہ دو بچے ہلاک ہوگئے جبکہ ایک بچہ زخمی ہوا ہے۔

مقامی ذرائع نے مزید بتایا کہ زخمی بچوں کو فوری طور پر سراروغہ ہسپتال منتقل کیا جارہا تھا کہ ایک بچہ راستے میں اور دوسرا ہسپتال پہنچتے ہی جان کی بازی ہار گئے۔

مقامی ذرائع کے مطابق حملے کے بعد بھی جنوبی وزیرستان کے مختلف علاقوں میں ڈرون پروازوں کا سلسلہ جاری ہے۔ مقامی ذرائع کے مطابق ڈرون حملے کے دھماکے سے پورے علاقے میں سخت خوف ہراس پھیل گیا۔

مقامی لوگوں کا کہنا ہے کہ ڈرون طیاروں کی فضا میں ایک مخصوص آواز ہوتی ہے اور یہ آوازیں آج شام سے ہی سراروغہ ایریا میں بھی سنی جارہی تھی۔

https://twitter.com/SenatorMushtaq/status/1636056591341441024?t=m90rEQrXzpfMLT7D5fzTtw&s=19

مبینہ ڈرون حملے کے حوالے سے سرکاری سطح پر مصدقہ اطلاعات موصول نہیں ہوئیں اور نہ ہی مقامی ضلع انتظامیہ نے اسکی تصدیق کی ہے، مقامی انتظامیہ کا کہنا ہے کی واقعے کی تحقیقات جاری ہیں۔

جنوبی وزیرستان افغان سرحد پر واقع ایک ایسا قبائلی علاقہ ہے جو طویل عرصے سے القاعدہ سے منسلک عسکریت پسندوں کے اڈے کے طور پر کام کرتا رہا ہے۔