حیدر آباد: ہندو تاجر کو اغوا کرنے کے الزام میں سی ٹی ڈی افسر سمیت تین اہلکار گرفتار

حیدر آباد (ڈیلی اردو) صوبہ سندھ کے ضلع حید آباد سے ہندو تاجر اغوا کرکے تاوان کا مطالبہ کرنے کے الزام میں سی ڈی افسر کو گرفتار کرلیا گیا۔

پولیس ذرائع کے مطابق انسپیکٹر جاوید شیخ سمیت کانسٹیبل ارشاد اقبال اور جاوید علی کو حیدر آباد سے ہندو تاجر ساگر کمار کو اغوا کر کے تاوان طلب کرنے کے الزام میں گارڈن ہیڈ کوارٹرز کے قریب سے گرفتار کیا۔

ضلع حید آباد سے ہندو تاجر ساگر کمار کو اغوا کرکے 50 لاکھ روپے تاوان کا مطالبہ کرنے کے الزام میں سی ٹی ڈی انسپکٹر جاوید شیخ، کانسٹیبل ارشاد اقبال اور جاوید علی کو رینجرز نے گرفتار کرلیا گیا جبکہ مغوی تاجر کو بازیاب کرالیا گیا۔#CTD #Hyderabad #Pakistan

— Shabbir Hussain Turi (@ShabbirTuri) November 22, 2022

ذرائع نے بتایا کہ ساگر کمار کو اغوا کر کے ملزمان نے 50 لاکھ روپے تاوان کا مطالبہ کیا، رقم کی ادائیگی اور بازیابی کے لئے مغوی کے بھائی آکاش کو کراچی بلوایا گیا۔

پولیس ذرائع کا کہنا ہے کہ مغوی کی بازیابی کے لئے 5 لاکھ روپے دیے تو ملزمان مشتعل ہوگئے، اسی دوران رینجرز اور پولیس نے کارروائی کر کے تینوں ملزمان کو گرفتار کرلیا جب کہ مغوی کو بازیاب کرالیا گیا۔

پولیس ذرائع نے بتایا کہ گرفتار اہلکاروں کے خلاف اعلیٰ سطح پر تحقیقات شروع کردی گئی ہیں۔