خاتون سے زیادتی کا الزام: سری لنکن کرکٹر دھنشکا آسٹریلیا میں ہوٹل سے گرفتار

کینبرا (ڈیلی اردو) سری لنکن کھلاڑی دھنشکا گوناتھیلاکا کو آسٹریلوی پولیس نے ہوٹل سے گرفتار کرلیا۔

غیر ملکی خبر ایجنسی کے مطابق دھنشکا گوناتھیلاکا کو آسٹریلوی خاتون سے زیادتی کے الزام میں اتوار کی صبح ہوٹل سے گرفتارکیا جس کی سری لنکن بورڈ نے تصدیق کردی ہے، دھنشکا کو پیر 7 نومبرکوعدالت میں پیش کیا جائے گا۔

Australian police arrested Sri Lankan cricketer Danushka Gunathilaka in Sydney over an alleged sexual assault of a 29-year-old woman. New South Wales Police Detective Jayne Doherty said he would face four charges of sexual assault https://t.co/AqbD28ux9u pic.twitter.com/K1dbmtozjn

— Reuters (@Reuters) November 6, 2022

سری لنکن بورڈ کا کہنا ہے کہ وہ آئی سی سی کی مشاورت سے معاملے کی فوری تحقیقات کریں گے اور مجرم ثابت ہونے پر کھلاڑی کے خلاف سخت کارروائی کی جائے گی۔

Sri Lankan cricketer Danushka Gunathilaka was arrested and charged on Sunday for allegedly sexually assaulting a woman in Sydney, police said, hours after the national team lost to England at the Twenty20 World Cup ▶️ https://t.co/XX4iAuYpxa pic.twitter.com/0xu9fSO06l

— AFP News Agency (@AFP) November 6, 2022

سری لنکن بورڈ کا کہنا ہے کہ اُسے آئی سی سی نے بتایا ہے کہ دھنشکا گوناتھیلاکا کو سڈنی میں ایک خاتون کے ساتھ جنسی زیادتی کے الزام میں گرفتار کیا گیا ہے۔

انجری کے باعث گوناتھیلاکا ورلڈ کپ سے باہرہوچکے تھے گوناتھیلا اس سے قبل بھی غیرملکی خاتون کے بیان پرمعطل ہوچکے ہیں۔

نیو ساؤتھ ویلز پولیس نے اتوار کو ایک بیان میں کہا کہ سڈنی میں ایک 29 سالہ خاتون کے ساتھ گزشتہ ہفتے مبینہ جنسی زیادتی کی گئی تھی جس کی تحقیقات کے بعد ایک سری لنکن شہری پر فرد جرم عائد کی ہے۔

نیو ساؤتھ ویلز اسٹیٹ سیکس کرائمز اسکواڈ کے کمانڈر جاسوس سپرنٹنڈنٹ جین ڈوہرٹی نے نامہ نگاروں کو بتایا کہ یہ جوڑا سڈنی میں پہلے سے طے شدہ میٹنگ میں ملا تھا جہاں انہوں نے شراب پی اور خاتون کے گھر واپس جاکرمرد نے اس پر جنسی حملہ کیا۔

گناتھیلاکا نے 2015 میں انٹرنیشنل ڈیبیو کیا اور آٹھ ٹیسٹ، 47 ون ڈے اور 46 ٹی ٹوئنٹی کھیلے ہیں۔