خلائی مخلوق کہاں رہتے ہیں، سائنسدانوں نے حیرت انگیز دعویٰ کر دیا

واشنگٹن (ڈیلی اردو) سائنس دانوں نے خلائی مخلوق کے ممکنہ مسکن کی شناخت کرلی ہے۔

ذرائع کے مطابق ان کا مسکن  ‘کے’ اسٹارز میں ہو سکتا ہے  کیوں کہ ان میں موجود سیاروں کا ماحول خلائی مخلوق کی زندگی کیلئے صحیح ہے۔

کے اسٹارز، ہمارے سورج کے مقابلے میں مدھم ہیں جبکہ ‘ایم اسٹارز’یا ریڈ ڈوارف کے مقابلے میں زیادہ روشن ہیں۔

ڈاکٹر گیاڈا آرنے کہتی ہیں ‘ ان کا خیال ہے کے اسٹارز سورج جیسے ستاروں اور ایم اسٹارز کے درمیان کسی مناسب جگہ ہیں۔’

ماہرینِ فلکیات کے مطابق یہ بات ممکنہ طور پر زندگی رکھنے والی دنیاؤں کی تعداد کم کردیتی ہے۔

خلائی مخلوق کی تلاش کو بڑے چیلنجز کا سامنا ہے۔ جن میں سے ایک یہ ہے کہ ہماری کہکشاں میں اربوں کھربوں ستارے ہیں اور سائنس دان ہر ستارے کا تجزیہ نہیں کرسکتے۔

ڈاکٹر آرنے  اور ان کے ساتھیوں کا ماننا ہے کہ کے اسٹارززندگی کی بنیادی اجزاء رکھنےکی وجہ سے زندگی پنپنے کیلئے حوصلہ افزا ہیں۔