خلیج میں اسٹریٹجک اتحادیوں کا تحفظ یقینی بنائینگے: امریکی وزیر خارجہ

واشنگٹن (ویب ڈیسک) امریکی وزیرخارجہ مائیک پومپیو نے کہا ہے کہ خلیج میں اپنے اسٹریٹجک اتحادیوں کے تحفظ کو یقینی بنائیں گے۔

مائیک پومپیو نے کشیدگی کے خاتمے کے لیے ایران کو کسی شرط کے بغیرایک بار پھر مذاکرات کی پیش کش بھی کر دی، جبکہ امریکی صدر ڈونلڈ ٹرمپ نے کہا ہے کہ ایران پر اقتصادی پابندیوں میں اضافہ کیا جائے گا۔

امریکی وزیر خارجہ مائیک پومپیو سعودی عرب اور متحدہ عرب امارات کے دورے پر روانہ ہو گئے۔

I’m heading out today. Our first stops will be in the Kingdom of Saudi Arabia & the UAE, two great allies in the challenge that Iran presents, and we’ll be talking with them about how to make sure that we are all strategically aligned and how we can build out a global coalition. pic.twitter.com/txu0pA2xr4

— Secretary Pompeo (@SecPompeo) June 24, 2019

روانگی سے پہلے صحافیوں سے گفتگو کرتے ہوئے انہوں نے کہا کہ امریکا خلیج میں ایران کے حریف ملکوں اور اپنے اسٹریٹجک اتحادیوں سے منسلک رہے گا اور اُن کے تحفظ کو یقینی بنائے گا۔

مائیک پومپیو کا کہنا تھا کہ بڑھتی ہوئی کشیدگی کے خاتمے کے لیے امریکا ایران کے ساتھ کسی پیشگی شرط کے بغیر مذاکرات کے لیے تیار ہے۔

دوسری جانب امریکی صدر ڈونلڈ ٹرمپ نے ایران پر اقتصادی پابندیوں میں اضافے کا اعلان کر رکھا ہے۔