خیبر میں چیک پوسٹ پر دستی بم حملہ، ایف سی اہلکار ہلاک

باڑہ (نمائندہ ڈیلی اردو) صوبہ خیبر پختونخوا کے قبائلی ضلع خیبر میں ایف سی چیک پوسٹ پر دہشت گردوں کے حملہ میں ایک اہلکار ہلاک ہوگیا۔

تفصیلات کے مطابق رات گئے تھانہ باڑہ کے علاقہ نالہ میں نامعلوم دہشت گردوں نے چیک پوسٹ پر دستی بم سے حملہ کیا اور جبکہ جوابی کارروائی کے بعد دہشت گرد فرار ہوگئے۔ دستی بم حملہ میں ایف سی اہلکار سردار خان زخمی ہوا۔

https://twitter.com/ShabbirTuri/status/1604485743765700608?t=Vo6QrVdTjND4FSmI9fPBRQ&s=19

ایف سی ذرائع کے مطابق زخمی اہلکار سردار خان کو قریبی طبی مرکز منتقل کر دیا گیا لیکن جانبر نہ ہوسکا۔

واضح رہے کہ گزشتہ شب لکی مروت میں تھانہ برگی میں دہشت گردوں کے حملے میں 4 پولیس اہلکار ہلاک اور 4 زخمی ہوگئے۔ دہشت گردوں نے ہینڈ گرینڈ اور راکٹ سے تھانے پر حملہ کیا۔

وزیر اعلیٰ خیبر پختونخوا محمود خان نے لکی مروت میں دہشتگرد حملے کی شدید مذمت کرتے ہوئے آئی جی پولیس سے رپورٹ طلب کی ہے۔