خیبر: وادی تیراہ میں بم ڈسپوزل ٹیم پر فائرنگ، سیکورٹی فورسز کے 3 اہلکار زخمی

پشاور (نمائندہ ڈیلی اردو) صوبہ خیبر پختونخوا کے قبائلی ضلع خیبر کی وادی تیراہ میں میدان کے مقام پر ایک حملے کے نتیجے میں تین سیکیورٹی اہلکار زخمی ہو گئے۔

خیبر کے علاقے وادی تیراہ میں دہشت گردوں کے حملے میں سیکورٹی فورسز کے تین اہلکار زخمی ہوگئے ہیں، زخمیوں کا تعلق بم ڈسپوزل سکواڈ سے بتایا جاتا ہے۔#Tirah #Khyber #Pakistan

— Shabbir Hussain Turi (@ShabbirTuri) June 23, 2023

سیکورٹی حکام کے مطابق سیکیورٹی فورسز کے اہلکار بم ڈسپوزل یونٹ کے اہلکاروں کے ساتھ راستے کی صفائی کا کام کر رہے تھے کہ اس دوران ان پر گھات لگا کر حملہ کیا گیا جس کے نتیجے میں تین سیکیورٹی اہلکار زخمی ہوئے ہیں۔

حکام کے مطابق واقعہ کے بعد سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے تاہم ابھی تک کسی گرفتاری کے بارے میں کوئی بیان جاری نہیں کیا گیا ہے۔

ابھی تک کسی تنظیم یا گروپ نے اس حملے کی ذمہ داری قبول نہیں کی ہے۔