دنیا کا سب سے بڑا امریکی بحری بیڑہ ایران کیلئے روانہ

واشنگٹن (ڈیلی اردو) امریکی صدر ڈونلڈ ٹرمپ نے مشرقِ وسطیٰ میں ایک اور طیارہ بردار بحری جہاز روانہ کرنے کا اعلان کیا ہے۔

صدر ٹرمپ نے شمالی کیرولائنا کے فوجی اڈے سے روانگی کے موقع پر میڈیا سے گفتگو کرتے ہوئے کہا کہ امریکہ ایران کے ساتھ مذاکرات کا خواہاں ہے، اور توقع ہے کہ مذاکرات کامیاب ہوں گے۔

صدر ٹرمپ نے بتایا کہ دوسرا طیارہ بردار جہاز مشرقِ وسطیٰ روانہ کیا جا رہا ہے، جو پہلے سے موجود امریکی جنگی بیڑے میں شامل ہوگا۔ مقامی میڈیا کے مطابق یہ جہاز USS Gerald R. Ford ہے، جو کیریبین سمندر سے روانہ کیا گیا ہے۔

امریکی بحری بیڑے میں پہلے سے موجود USS Abraham Lincoln اور اس کے ہمراہ گائیڈڈ میزائل ڈسٹرائرز گزشتہ دو ہفتوں سے خطے میں موجود ہیں۔ صدر ٹرمپ کی جانب سے یہ اعلان اسرائیلی وزیراعظم نیتن یاہو سے ملاقات کے بعد سامنے آیا۔

USS Gerald R. Ford کی خصوصیات

یہ طیارہ بردار جہاز جوہری توانائی سے چلتا ہے اور امریکی بحریہ سے وابستہ ہے۔ اسے 2017 میں فعال کیا گیا اور یہ "Gerald R. Ford" کلاس کے جہازوں میں صفِ اول کی حیثیت رکھتا ہے۔ جہاز کا وزن ایک لاکھ ٹن سے زیادہ اور لمبائی 337 میٹر ہے، اور عملے و ایئر ونگ سمیت تقریباً 4600 افراد کی گنجائش رکھتا ہے۔

جہاز کو جدید ٹیکنالوجیز سے لیس کیا گیا ہے تاکہ عملے پر نگرانی اور دیکھ بھال کا بوجھ کم ہو۔ اس میں دو جوہری ری ایکٹرز، الیکٹرومیگنیٹک ایئر کرافٹ لانچ سسٹم (EMALS)، ایڈوانسڈ اریسٹنگ گیئر (AAG) اور ڈوئل بینڈ راڈار (DBR) موجود ہیں۔

یہ طیارہ بردار جہاز جوہری توانائی سے چلتا ہے اور امریکی بحریہ سے وابستہ ہے جسے 2017 میں فعال کیا گیا تھا۔ اسے "جیرالڈ آر فورڈ" کلاس کے جہازوں میں صفِ اول کی حیثیت حاصل ہے۔ اس کا وزن ایک لاکھ ٹن سے زیادہ جبکہ لمبائی 337 میٹر ہے۔ 

برطانوی انسائیکلوپیڈیا "بریٹانیکا" کے مطابق یہ دنیا کا سب سے بڑا تیرتا ہوا جنگی جہاز ہے۔ اس میں عملے اور ایئر ونگ سمیت تقریباً 4600 افراد کی گنجائش موجود ہے۔

امریکی بحریہ نے اعلان کیا ہے کہ اس طیارہ بردار جہاز کو نئی ٹیکنالوجیز اور ایسی خصوصیات سے لیس کیا گیا ہے جو عملے پر نگرانی اور دیکھ بھال کے کام کا بوجھ کم کرتی ہیں۔ یو ایس ایس جیرالڈ آر فورڈ دو جوہری ری ایکٹرز، الیکٹرومیگنیٹک ایئر کرافٹ لانچ سسٹم (EMALS)، ایڈوانسڈ اریسٹنگ گیئر (AAG) اور ڈوئل بینڈ راڈار (DBR) کے ذریعے کام کرتا ہے۔

جہاز کی ساخت اور پاور پلانٹ کو اس طرح ڈیزائن کیا گیا ہے کہ یہ اپنی 50 سالہ سروس کے دوران نئے سسٹمز بشمول ڈائریکٹڈ انرجی ویپنز کو ایڈجسٹ کر سکے۔ 

امریکی بحریہ کا یہ جدید ترین طیارہ بردار جہاز 10 ہزار ٹن کا زیادہ سے زیادہ بوجھ اٹھانے کی صلاحیت رکھتا ہے۔ ویب سائٹ 'ملٹری' کے مطابق امریکی بحریہ اس جہاز پر بحرانوں کے جواب اور بڑی جنگی کارروائیوں میں ابتدائی فیصلہ کن حملوں جیسے متعدد مشنوں کے لیے بھروسہ کرتی ہے۔

اسی طرح اس طیارہ بردار جہاز کو مربوط الیکٹرانک اسکین سرچ اینڈ ٹریک راڈار سسٹم سے لیس کیا گیا ہے۔ ویب سائٹ 'سی فورسز' کے مطابق اسے ریتھیون کمپنی کے تیار کردہ "سی اسپیرو" میزائل سے بھی لیس کیا گیا ہے جو تیز رفتار اور انتہائی پینترا بدلنے والے اینٹی شپ میزائلوں کے خلاف دفاع کرتا ہے۔

یو ایس ایس جیرالڈ آر فورڈ 90 تک طیارے لے جا سکتا ہے جن میں ایف 35، ایف اے 18 سپر ہارنیٹ، ای اے 18 جی الیکٹرانک اٹیک طیارے، ایم ایچ 60 آر ہیلی کاپٹرز اور ڈرونز شامل ہیں۔ اس میں موجود EMALS نظام طیاروں کو لانچ کرنے کے لیے روایتی طور پر استعمال ہونے والے "C-13" اسٹیم کیٹاپلٹس کی جگہ لیتا ہے، جس سے مستقبل میں انسان بردار یا بغیر پائلٹ کے طیاروں کی لانچنگ کا دائرہ وسیع ہو جاتا ہے۔

نیشنل سیکیورٹی جرنل نے مزید بتایا ہے کہ یہ طیارہ بردار جہاز بوئنگ ایف/اے-18 ای/ایف سپر ہارنیٹ، بوئنگ ای اے-18 جی گراؤلر، گرومین سی-2 گرے ہاؤنڈ، نارتھروپ گرومین ای-2 ہاک آئی، لاک ہیڈ مارٹن ایف-35 سی لائٹننگ 2، اسکورسکی ایس ایچ-60 سی ہاک ہیلی کاپٹرز اور جنگی ڈرونز سمیت 90 تک طیارے لے جانے کی صلاحیت رکھتا ہے۔

اس کے علاوہ، طیارہ بردار جہاز میں درج ذیل نظام شامل ہیں۔

• Mk 29 ماڈل کے دو میزائل لانچنگ نظام، جن میں سے ہر ایک RIM-162 Evolved Sea Sparrow (ESSM) ماڈل کے 8 میزائلوں سے لیس ہے۔

• Mk 49 ماڈل کے دو میزائل لانچنگ نظام، جن میں سے ہر ایک RIM-116 Rolling Airframe ماڈل کے 21 میزائلوں سے لیس ہے۔

• Phalanx ماڈل کے قریبی فضائی دفاعی نظام۔

• Mk 38 ماڈل کی 25 ملی میٹر کی مشین گنیں۔

• M2 ماڈل کی 0.50 انچ (12.7 ملی میٹر) مشین گنیں۔