راولپنڈی: سول لائن خودکش حملے میں ملوث انتہائی مطلوب دہشت گرد گرفتار

راولپنڈی (ڈیلی اردو) کاؤنٹر ٹررزم ڈپارٹمنٹ (سی ٹی ڈی) نے راولپنڈی اور اسلام آباد میں دہشتگردی کا منصوبہ ناکام بناتے ہوئے راولپنڈی سے انتہائی مطلوب دہشتگرد محمد ایمل کو گرفتار کرلیا۔

ترجمان سی ٹی ڈی کے مطابق گرفتار مبینہ دہشت گرد سے بھاری مقدار میں دھماکا خیز مواد بھی برآمد کیا گیا، جس میں بارودی مواد، چار ڈیٹونیٹر اور سیفٹی فیوز شامل تھے۔

ترجمان سی ٹی ڈی کے مطابق دہشتگرد نے راولپنڈی میں خودکش حملے میں ملوث ہونے کا اعتراف کیا ہے۔

ترجمان نے کہا کہ مبینہ دہشتگرد کے دو ساتھی جیل میں ہیں، سی ٹی ڈی نے دہشتگردی کی دفعات کے تحت مقدمہ درج کرلیا۔

یاد رہے کہ راولپنڈی سول لائن میں 2009 میں خودکش حملہ ہوا تھا، جس میں 36 افراد ہلاک ہوئے تھے۔