سابق بیوروکریٹ دوست محمد خان کا اہلیہ، بیٹوں سمیت بہو پر تشدد، مقدمہ درج

لاہور (ڈیلی اردو) سابق بیوروکریٹ دوست محمد خان نے اہلیہ اور بیٹوں سے مل کر بہو سائرہ فاطمہ سدوزئی کو بدترین تشدد کر نشانہ بنا ڈالا ہے۔ تشدد کا شکار ہونے والی سائرہ سدوزئی نے اپنے شوہر، دیور، ساس اور سسر کے خلاف تھانہ ریس کورس میں مقدمہ درج کرا دیا۔

گھروں میں خواتین پر تشدد کے واقعات بڑھنے لگے۔ سابق بیوروکریٹ اور ان کی اہلیہ کا بیٹوں سمیت بہو پر تشدد کا واقعہ سامنے آگیا۔ جی او آر ون میں دوست محمد خان ان کی اہلیہ اور بیٹوں نے بہو سائرہ فاطمہ سدوزئی پر بدترین تشدد کا نشانہ بنا ڈالا۔ سائرہ سدوزئی نے اپنے شوہر، دیور ساس اور سسر کے خلاف لاہور کے ریس کورس پولیس اسٹیشن مقدمہ درج کرا دیا۔

ایف آئی آر کے مطابق متاثرہ خاتون نے موقف اختیار کیا کہ میرے شوہر اور اس کے گھر والے کمرے میں بند کرکے ذہنی اور جسمانی تشدد کرتے ہیں۔ دوران حمل مجھے اور میرے بچے کو تشدد کر کے قتل کرنے کی کوشش کی گئی۔ تشدد کیا جاتا ہے کہ والدین سے نہ ملوں اور گھر سے قیمتی تحائف لانے کا مطالبہ کیا جاتا ہے۔ مقدمہ میں نامزد افراد کو پولیس تاحال گرفتار نہ کرسکی۔