سبی: حساس ادارے کا جعلی میجر ساتھیوں سمیت گرفتار، بھاری مقدار میں اسلحہ اور منشیات برآمد

سبی (سید طاہر علی) صوبہ بلوچستان کے ضلع سبی میں پولیس نے پاک فوج کے جعلی میجر کو چھ ساتھیوں سمیت گرفتار کرلیا۔

تفصیلات کے مطابق صدر پولیس سبی نے قومی شاہراہ پر کارروائی کرتے ہوئے پاک آرمی کے جعلی میجر سمیت چھ ساتھیوں کو گرفتار کر لیا ہے۔

ایس ایس پی ملک فاروق فیض لہڑی نے کہا ہے کہ پولیس کا کہنا ہے کہ گروہ کے مرکزی ملزم جہانگیر سمیت چھ ملزمان شاہ زیب، محمد یسین، عارف، عمر فاروق اور کلیم اللہ کو گرفتار کر لیا جن کے قبضے سے ایک عدد ایم ایم نائن رائفل، ایک عدد ایس ایم جی، 80 راونڈ گولیاں، تین میگزین، دو عدد واکی ٹاکی سیٹ، اعلی کوالٹی کے چھ کلو چرس اور ایک گاڑی شامل ہیں۔

ایس ایس پی فاروق فیض لہڑی کا کہنا تھا کہ اس بات کا بھی امکان یے کہ ملزمان اندرون سندھ کسی بڑی کارروائی کی غرض سے جارہے تھے جبکہ پولیس کی جانب سے بروقت کارروائی نے سفاک منصوبہ ناکام بنادیا،

ان کا مزید کہنا تھا کہ ملزمان کوئٹہ سے اندرون سندھ جارہے تھے جہاں انہیں حراست میں لیا گیا ہے۔

ملزمان کے خلاف مقدمہ درج کر کے تفتیش شروع کردی گئی ہے اہم انکشافات متوقع ہیں۔