سعودی عرب: محمد بن سلمان کا یمن کو 42 کروڑ ڈالر کا مفت تیل فراہم کرنیکا اعلان

ریاض (ڈیلی اردو) سعودی ولی عہد شہزادہ محمد بن سلمان نے یمن کو 42 کروڑ ڈالر کا مفت تیل فراہم کرنے کا اعلان کردیا۔

سعودی عرب کے ولی عہد شہزادہ محمد بن سلمان بن عبد العزیز آل سعود نے یمن کے صدر منصور ہادی سے ٹیلیفون پر بات چیت کی۔

#عاجل
سمو #ولي_العهد يؤكد مواصلة المملكة وقوفها مع الأشقاء في اليمن والتخفيف من معاناة المواطنين بتقديم منحة مشتقات نفطية بمبلغ 422 مليون دولار من البرنامج السعودي لتنمية وإعمار اليمن لتشغيل محطات الكهرباء في المحافظات اليمنية.#واس

— واس الأخبار الملكية (@spagov) March 30, 2021

گفتگو کے دوران ولی عہد نے یمنی حکومت کی ہرممکن مدد جاری رکھنے اور یمنی عوام کی مشکلات کم کرنے میں آئینی حکومت کی معاونت جاری رکھنے کے عزم کا اعادہ کیا۔

اس موقع پر سعودی ولی عہد نے یمنی حکومت کو جنگ سے متاثرہ علاقوں میں بحالی اور تعمیر کو کے پروگرام کے تحت 42 کروڑ 20 لاکھ ڈالر مالیت ک تیل فراہم کرنے کا اعلان کیا۔

دونوں رہنماؤں کے درمیان ہونے والی بات چیت میں یمن کی موجودہ صورتحال اور یمن کے بحران کے حل کیلئے سعودی عرب کی طرف سے پیش کردہ امن منصوبے، تنازع کے سیاسی حل اور حوثی باغیوں کی دہشتگردانہ سرگرمیوں پر تبادلہ خیال کیا گیا۔

یمنی صدر نے سعودی عرب کی طرف سے یمن بحران کے حل کیلئے پیش کردہ امن منصوبے کا خیر مقدم کیا۔

ان کا کہنا تھا کہ سعودی عرب نے یمن میں دیر پا امن کے قیام اور استحکام کیلئے ہمیشہ بڑھ چڑھ کر خدمات انجام دیں ہیں۔