سی ٹی ڈی کی ایبٹ آباد میں کارروائی، داعش کا اہم دہشتگرد مجیب الرحمٰن گرفتار

ایبٹ آباد (ڈیلی اردو) خیبر پختونخوا کے ضلع ایبٹ آباد میں سی ٹی ڈی کی کارروائی، عالمی دہشت گرد تنظیم کا دہشت گرد مجیب الرحمن کو گرفتار کرلیا گیا۔

تفصیلات کے مطابق سی ٹی ڈی نے خفیہ اطلاعات پر کارروائی کرتے ہوئے عالمی دہشت گرد تنظیم داعش کا دہشت گرد مجیب الرحمن کو گرفتار کرلیا گیا ہے۔ ذرائع کا کہنا ہے کہ گرفتار ہونے والے دہشت گرد مجیب الرحمٰن کراچی اور پنجاب میں دہشت گردی کی وارداتوں میں ملوث تھا۔

سی ٹی ڈی ذرائع کے مطابق دہشت گرد مجیب الرحمٰن کافی عرصہ سے ایبٹ آباد میں رپوش تھا۔ گرفتار دہشت گرد سے اسلحہ برآمد کر لیا گیا ہے۔ مجیب الرحمٰن کو مزید تفتیش کےلئے نامعلوم مقام پر منتقل کردیا گیا ہے۔