سیالکوٹ: نشئی باپ کی فائرنگ سے دو بیٹیاں جاں بحق، بیٹا شدید زخمی

سیالکوٹ (نمائندہ ڈیلی اردو) نشئی باپ نے بچوں پر فائرنگ کرکے بیٹیوں کی جان لے لی جب کہ بیٹے کی حالت تشویشناک بتائی جارہی ہے۔

تفصیلات کے مطابق سیالکوٹ میں والد احمد نے اپنے تین بچوں پر فائرنگ کر دی جس کے نتیجے میں دو بیٹیاں موقع پر ہی جاں بحق ہوگئیں۔ جبکہ بیٹا شدید زخمی ہوگیا ہے۔

پولیس کے مطابق سیالکوٹ کے علاقے کچا شہاب پورہ میں نشے کے عادی ملزم نے بیوی سے پیسے مانگے تو انکار پر فائرنگ کردی جس کے نتیجے میں 2 بیٹیاں 12 سالہ روحانیہ، 10 سالہ عرشی موقع پر ہی جاں بحق ہوگئیں۔ جبکہ 9 سالہ بیٹا اذان شدید زخمی ہوگیا۔ جسے علاج معالجے کے لیے فوری طور پر ہسپتال منتقل کردیا گیا ہے جہاں ڈاکٹروں کی ٹیم اس کی جان بچانے کی کوشش کررہے ہیں۔

مقامی صحافیوں کو اہل محلہ نے بتایا ہے کہ فائرنگ کی اطلاع ملتے ہی پویس کی بھاری نفری جائے وقوع پر پہنچی اور فائرنگ کرنے والے ملزم کو گرفتار کرلیا ہے۔

پولیس نے نعشوں کو پوسٹ مارٹم کے لئے ہسپتال منتقل کردیا ہے جب کہ ملزم احمد سے مزید تفتیش کی جا رہی ہے۔