سیالکوٹ: پسرور سے 10 سالہ بچے کی تشدد زدہ لاش کھیت سے برآمد

پسرور (نمائندہ ڈیلی اردو) صوبہ پنجاب کے ضلع سیالکوٹ کی تحصیل پسرور کے علاقے ڈھوڈا سے 10 سالہ بچے کی تشدد زدہ لاش قریبی کھیت سے برآمد ہوئی ہے۔

تفصیلات کے مطابق 10 سالہ احسن دو روز قبل لاپتہ ہوگیا تھا۔ احسن کی گمشدگی کا مقدمہ تھانہ قلعہ کالر والہ میں درج کروایا گیا تھا۔ آج احسن کی لاش گھر کے قریب کھیت سے ملی۔

پولیس نے اطلاع ملتے ہی بچے کی لاش ٹی ایچ کیو ہسپتال منتقل کردی۔ بچے کی ہلاکت ظاہری طور پر گردن پر فائر لگنے سے ہوئی ہے۔ پولیس کا کہنا ہے کہ قتل کے حتمی وجہ کا تعین پوسٹ مارٹم رپورٹ کے بعد ہی ہوسکے گا۔

جبکہ مقامی ذرائع کا کہنا ہے کہ پولیس نے ایک نوجوان کو حراست میں لے لیا ہے۔ فرحان نامی نوجوان کو تفتیش کے لئے نامعلوم مقام پر منتقل کردیا گیا ہے۔ فرحان مقتول کا رشتہ دار بتایا گیا ہے۔

واضح رہے کہ دو روز قبل بھی پسرور کے محلہ تاج پورہ میں کچرا کنڈی سے نومولود بچہ کی نعش برآمد ہوئی تھی۔