شام میں اسرائیلی ڈرون حملہ، حزب اللہ کے چار جنگجو ہلاک

دمشق (ڈیلی اردو/اے ایف پی/رائٹرز) شام میں جنگ کی مانیٹرنگ کی تنظیم ’’آبزرویٹری فار ہیومین رائٹس‘‘ نے جمعے کے روز بتایا کہ جنوبی شام میں حزب اللہ کے حامی چار جنگجو اسرائیل کے ڈرون حملے میں اس وقت ہلاک ہوگئے جب وہ اپنی کار میں جارہے تھے۔

Israeli drone strike in Syria killed three Hezbollah members – sources https://t.co/WpvcC9z6yn pic.twitter.com/CLycZ9zhis

— Reuters (@Reuters) December 9, 2023

تنظیم کے سربراہ رامی عبدالرحمان نے فرانسیسی خبر رساں ادارے اے ایف پی کو بتایا کہ حزب اللہ کے لیے کام کرنے والے یہ جنگجو شام کے جنوب میں مدینۃ البعث کے قصبے کے قریب ہلاک ہوئے۔ یہ علاقہ اسرائیلی مقبوضہ گولان ہائیٹس کے نزدیک ہے۔

#MiddleEast: An #Israeli drone fired on a car in southwest #Syria on Friday, killing four people, according to the Syrian Observatory for Human Rights and a regional security source close to Damascus.https://t.co/6z72s7cVLx

— LBCI Lebanon English (@LBCI_News_EN) December 8, 2023

ان کا کہنا ہے کہ تنظیم ابھی تک یہ معلوم کرنے میں کامیاب نہیں ہوئی کہ آیا یہ جنگجو شام کے شہری تھے یا نہیں۔ لیکن رامی عبدالرحمان کا کہنا ہے کہ اس بات کی تصدیق کی جا چکی ہے کہ ان کا تعلق شامی فوج سے نہیں تھا۔

آبزرویٹری نے، جو شام میں خبروں کے ذرائع کا ایک نیٹ ورک ہے، ایک روز قبل رپورٹ کیا تھا کہ اسرائیل نے دمشق کے نزدیک آٹھ میزائیلوں سے حملہ کیا ہے۔

Lebanese Hezbollah positions on the Syrian-Lebanese border were reportedly targeted in an Israeli missile attack, as stated by the Syrian Observatory for Human Rights.https://t.co/BXTtY92qtA

— The Syrian Observer (@observesyria) December 7, 2023

اس حملے میں شام کے قنیطرہ صوبے میں واقع شامی حکومت کی ایک عسکری پوسٹ کو بھی نشانہ بنایا گیا تھا۔ اس میں کوئی جانی نقصان نہیں ہوا۔

تنظیم کا کہنا ہے کہ یہ حملہ اکتوبر میں گولان ہائیٹس میں حزب اللہ کی جانب سے کی گئی بمباری کا ردعمل تھا۔

تنظیم کا کہنا ہے کہ دسمبر کی دو تاریخ کو دمشق کے قریب واقع حزب اللہ کی تنصیبات کے قریب اسرائیلی فضائی حملے میں شامی حزب اللہ کےدو جنگجو اور ایرانی فوج کے دو افسر ہلاک ہوئے تھے۔

ایرانی پاسدارانِ انقلاب کی سرکاری خبر رساں ایجنسی سپاہ نیوز نے اسی روز رپورٹ کیا تھا کہ پاسدارانِ انقلاب کے دو ارکان شام میں ایک مشاورتی مشن کے دوران ہلاک ہوئے ہیں۔

فرانسیسی خبر رساں ادارے اے ایف پی کے مطابق 2011 سے شام میں جاری خانہ جنگی کے بعد سے اسرائیل نے اب تک شام میں سینکڑوں ایسے فضائی حملے کیے ہیں جن میں شامی فوج، اور ایران کے حمایت یافتہ جنگجو گروہوں کو، جن میں حزب اللہ بھی شامل ہے،نشانہ بنایا گیا ہے۔

ایجنسی کے مطابق سات اکتوبر کو حماس کے اسرائیل پر حملے اور اس کے ردعمل میں غزہ میں جاری اسرائیلی آپریشن کے بعد سے ان جنگجو گروپوں کی سرگرمیوں میں اضافہ نظر آیا ہے۔

آبزرویٹوری کے مطابق آٹھ نومبر کو دمشق کے نزدیک حزب اللہ کے تین جنگجو اسرائیلی فوج کی بمباری میں مارے گئے تھے۔

اسرائیل شام میں کی گئی اپنی کارروائیوں پر کم ہی تبصرہ کرتا ہے لیکن اس کا مؤقف ہے کہ وہ اپنے حریف ایران کو شام میں مستحکم ہونے سے روکنا چاہتا ہے۔