شمالی وزیرستان: سیکیورٹی فورسز کے آپریشن میں تحریک طالبان پاکستان کا دہشت گرد ہلاک

راولپنڈی (کاشف محمود) صوبہ خیبرپختونخوا کے قبائلی ضلع شمالی وزیرستان کے علاقے اسپین وام میں سکیورٹی فورسز کی کارروائی میں کالعدم تنظیم تحریک طالبان پاکستان کا ایک دہشت گرد ہلاک ہوگیا۔

تفصیلات کے مطابق پاکستان فوج کے شعبہ تعلقات عامہ آئی ایس پی آر کی جانب سے جاری پریس ریلیز میں بتایا گیا کہ وزیرستان کے علاقے اسپین وام میں خفیہ اطلاعات پر سیکیورٹی فورسز نے آپریشن کیا۔

انہوں نے بتایا کہ سیکیورٹی فورسز نے دہشت گردوں کی موجودگی کی اطلاع پر آپریشن کیا۔

آئی ایس پی آر کے مطابق دہشت گردوں کے ساتھ فائرنگ کے تبادلے میں ایک دہشت کرد ہلاک ہوگیا۔

انہوں نے بتایا کہ ٹی ٹی پی کے ہلاک ہونے والا دہشت گرد اسپین وام میں فعال تھا اور سیکیورٹی فورسز کے خلاف دہشت گردی کی کارروائیوں میں ملوث تھا۔

آئی ایس پی آر نے بتایا کہ مارے گئے دہشت گرد کا اسلحہ اور گولہ بارود قبضے میں لے لیا گیا۔

آئی ایس پی آر کے مطابق علاقے میں دیگر دہشت گردوں کی تلاش کیلئے سرچ آپریشن جاری ہے۔