شمالی وزیرستان میں دہشت گردوں کی فائرنگ سے ایک فوجی ہلاک، دوسرا زخمی

راولپنڈی (ڈیلی اردو) صوبہ خیبر پختونخوا کے قبائلی ضلع شمالی وزیرستان کے علاقے میر علی میں دہشت گردوں کے خلاف آپریشن کے دوران فائرنگ کے تبادلے میں پاک فوج کا ایک سپاہی ہلاک ہوگیا۔

پاکستانی فوج کے شعبہ تعلقات عامہ آئی ایس پی آر کا کہنا ہے کہ شمالی وزیرستان کے علاقے میر علی میں دہشت گردوں کے خلاف آپریشن کیا گیا، فائرنگ کے تبادلے میں ایک سپاہی ہلاک ہو گیا۔

نمائندہ ڈیلی اردو کے مطابق دہشت گردوں کی فائرنگ سے سپاہی فرقان زخمی ہوگیا۔

آئی ایس پی آر کا کہنا ہے کہ دہشت گردوں کے ساتھ فائرنگ کے تبادلے میں سپاہی وحید خان ہلاک ہوئے۔

آئی ایس پی آر کے مطابق سپاہی وحید خان کا تعلق نوشہرہ سے ہے۔

آئی ایس پی آر کا کہنا ہے کہ علاقے میں دہشت گردوں کے خلاف کلیئرنس آپریشن جاری ہے۔