شمالی وزیرستان میں سیکورٹی فورسز کی گاڑی پر خودکش حملہ، ہلاکتوں کا خدشہ

اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں سیکیورٹی فورسز کی گاڑی پر خودکش حملے کے نتیجے میں متعدد اہلکار کے ہلاک ہونے کی اطلاعات ہیں۔

شمالی وزیرستان کی تحصیل میر علی کے علاقے خدی میں سیکیورٹی فورسز کی گاڑی پر خودکش حملہ، سرکاری ذرائع کے مطابق حملہ میرانشاہ میرعلی مین روڈ پر ہوا، زخمیوں کو میرانشاہ ہسپتال منتقل کر دیا گیا، ہلاکتوں کا خدشہ ہے۔#NorthWaziristan #Pakistan

— Shabbir Hussain Turi (@ShabbirTuri) June 21, 2023

سرکاری ذرائع کے مطابق خودکش حملہ آور نے میرانشاہ میرعلی مین روڈ پر فوجی گاڑی کے آگے آکر خود کو دھماکے سے اڑا دیا جس کے نتیجے میں کئی اہلکار شدید زخمی ہوگئے۔

ایک عینی شاید کے مطابق جائے حادثہ پر موجود ایک گاڑی سے تین لاشیں نکالی گئیں۔ عینی شاید نے مزید بتایا کہ دھماکے میں گاڑی بھی مکمل طور پر تباہ ہوگئی ہے ۔

اگرچہ ہلاکتوں اور زخمیوں کی صحیح تعداد معلوم نہیں ہوسکی۔

دھماکے میں زخمی ہونے والے اہلکاروں کو علاج کے لیے فوجی سپتال منتقل کردیا گیا ہے۔ زخمی ہونے والوں میں سے دو اہلکاروں کی حالت نازک بتائی گئی ہے۔

واقعے کے بعد سیکورٹی فورسز نے علاقے کو گھیرے میں لے کر تلاشی کی کارروائی شروع کردی ہے۔

ادھر حافظ گل بہادر گروپ نے خودکش دھماکے کی ذمہ داری قبول کر لی ہے۔