صحافی محمد زادہ آگرہ کا قتل: ڈی سی اور اے سی ملاکنڈ کی گرفتاری کا مطالبہ

سوات (ڈیلی اردو) صوبہ خیبر پختونخوا کے علاقے مالاکنڈ میں مقتول صحافی اور سوشل ورکر محمد زادہ آگرہ کی لاش جی ٹی روڈ پر رکھ کر احتجاج کیا جارہا ہے جس میں ہزاروں کی تعداد میں لوگ شریک ہیں ،مظاہرین نے ڈی سی اور اے سی ملاکنڈ کی گرفتاری کا مطالبہ کرتے ہوئے اعلان کیا ہے کہ مطالبہ پورا نہ ہونے تک کو نعش کو دفن نہیں کیا جائے گا۔

ادھر مالاکنڈ کی متحدہ ٹریڈ یونین نے تمام کاروباری سرگرمیوں کو معطل کر کے بازار بند کردیا ہے۔ اس سے قبل اعلان کیا گیا تھا کہ مقتول کی نماز جنازہ ساڑھے گیارہ بجے ادا کی جائے گی تاہم بعد میں مظاہرین نے مطالبات تسلیم نہ ہونے تک جنازہ سڑک پر رکھ کر احتجاج جاری رکھنے کا اعلان کیا۔

واضح رہے کہ سخاکوٹ سے تعلق رکھنے والے مقامی صحافی محمد زادہ آگرہ کو گزشتہ رات نامعلوم افراد نے فائرنگ کر کے بے دردی سے قتل کر دیا تھا۔ مقتول علاقے میں معاشرتی برائیوں کے خلاف موثر آواز اٹھانے کی شہرت رکھتے تھے۔ ان کی ڈی سی ملاکنڈ کی کھلی کچہری میں تقریر کی ایک ویڈیو بھی سوشل میڈیا پر شئیر کی جا رہی ہے اور اسی ویڈیو میں سرکاری مشینری پر لگائے گئے مقتول کے الزامات کو ان کے قتل سے جوڑا جا رہا ہے۔

ظلم کی انتہا؛ ???? منشیات فروشوں کے خلاف آواز اٹھانے والے سوشل میڈیا ایکٹویسٹ ( محمد زادہ آگرہ ) کو نامعلوم افراد نے فائرنگ کرکے شہید کردیا#justiceforMuhammadZadaagra pic.twitter.com/mNdxvyUHhz

— Ijaz Ahmad (@ImIjazAhmad) November 8, 2021

دوسری جانب وزیراعلی محمود خان نے سخاکوٹ میں صحافی اور سماجی کارکن محمد زادہ اگرہ وال کے قتل نوٹس لیتے ہوئے آئی جی پولیس خیبر پختونخوا سے واقعے کی رپورٹ طلب کی۔

وزیراعلی نے سیکریٹری اسٹیبلشمنٹ کو ملاکنڈ کے ڈپٹی کمشنر اور سخاکوٹ کے اسسٹنٹ کمشنر کو عہدوں سے ہٹا کر او ایس ڈی بنانے کی ہدایت کی ہے۔

~@IMMahmoodKhan has taken a strict notice against the murder of Muhammad Zada in Skhakot. DC & AC Malakand have been suspended and made OSD. A rigorous inquiry report has been ordered to be presented asap by the office of CM KP.#InfoGovKP

— Kamran Khan Bangash PK82 ???????? (@kamrankbangash) November 9, 2021

جاری کیے گئے بیان کے مطابق وزیر اعلی نے قتل میں ملوث عناصر کی فوری گرفتاری کے لیے اقدامات کی ہدایت کی اور کہا کہ واقعے میں ملوث عناصر قانون کی گرفت سے کسی صورت بچ نہیں سکتے۔

سخاکوٹ میں سماجی کارکن محمد زادہ اگرہ وال قتل / وزیراعلی محمود خان کا نوٹس
آئی جی پولیس خیبر پختونخوا سے رپورٹ طلب ۔ قاتلوں کی گرفتاری کیلئے فوری اقدامات کی ہدایت۔
مجرمان کی گرفتاری جلد از جلد یقینی بنایا جائے محمد زادہ کے قتل پر افسوس ہوا۔ وزیراعلی محمود خان pic.twitter.com/78Am2r4LPQ

— Government of KP (@GovernmentKP) November 8, 2021