صدرِ مملکت آئی ایس پی آر کی آپریشنل حدود کا واضح تعین کریں، عمران خان

لاہور (ڈیلی اردو/بی بی سی) پاکستان تحریکِ انصاف کے سربراہ عمران خان نے صدر عارف علوی کو خط میں مطالبہ کیا ہے کہ وہ بطور سربراہِ ریاست اور فوج کے سپریم کمانڈر سنگین غلط اقدامات کا نوٹس لیں۔

شیریں مزاری نے اس خط کی ایک کاپی ٹوئٹر پر شیئر کی ہے۔

Chairman PTI writes to President of Pakistan who is also Supreme Commander of the Armed Forces. #رُکنانہیں_جھُکنانہیں pic.twitter.com/AU55zQHTyi

— Shireen Mazari (@ShireenMazari1) November 7, 2022

اس خط میں عمران خان نے لکھا کہ پاکستان کی سب سے بڑی اور اہم انٹیلیجنس ایجنسی کا سربراہ کیسے ایک عوامی پریس کانفرنس کر سکتا ہے اور کیسے دو فوجی بیوروکریٹس ایک انتہائی سیاسی پریس کانفرنس کر سکتے ہیں جس میں سب سے بڑی اور ممکنہ طور پر واحد وفاقی جماعت کے سربراہ کو نشانہ بنایا جائے۔

عمران خان نے صدر عارف علوی سے درخواست کی کہ وہ آئی ایس پی آر جیسے فوجی اطلاعاتی اداروں کے دائرہ کار کا تعین کریں اور انھیں صرف دفاع اور فوجی معاملات سے متعلق معلومات تک محدود رکھیں۔

عمران خان نے مطالبہ کیا کہ فوج کے سپریم کمانڈر کے طور پر وہ آئی ایس پی آر کے لیے آپریشنل حدود کا واضح تعین کریں۔