عراق: بارودی سرنگ کا دھماکا، افسر سمیت 3 عراقی فوجی زخمی

بغداد(ڈیلی اردو) عراق کے صوبہ کرکوک کے جنوبی علاقے داقوق میں بارودی مواد کے دھماکے کے نتیجے میں ایک افسر سمیت عراقی فوج کے 3 اہلکار زخمی ہوگئے۔

سیکیورٹی ذرائع کے مطابق داقوق کے علاقے وادی الشای کے قریب زرعی علاقے میں نصب بارودی مواد اس وقت پھٹ گیا جب عراقی فوج کی ایک نفری وہاں سے گزر رہی تھی۔ دھماکے کے نتیجے میں 3 اہلکار زخمی ہوئے، جن میں ایک افسر بھی شامل ہے۔

زخمی اہلکاروں کو فوری طور پر اسپتال منتقل کیا گیا، جہاں انہیں طبی امداد دی جا رہی ہے۔ واقعے کے بعد سیکیورٹی فورسز نے دھماکے کی جگہ کو گھیرے میں لے کر اطراف کے علاقے میں سرچ آپریشن شروع کردیا۔

حکام نے واقعے کی تحقیقات بھی شروع کردی ہیں تاکہ بارودی مواد نصب کرنے والے عناصر کا سراغ لگایا جاسکے اور علاقے میں مزید بارودی مواد کی موجودگی کو یقینی بنایا جاسکے۔

داقوق کے دور دراز اور زرعی علاقوں میں سیکیورٹی فورسز کی جانب سے داعش کے ممکنہ خفیہ ٹھکانوں اور عناصر کے خلاف کارروائیاں جاری ہیں۔