غزہ میں اسرائیلی فضائی حملہ، حماس کے نئے فوجی سربراہ محمد عودہ ہلاک

غزہ (ڈیلی اردو ) غزہ میں اسرائیلی فضائی حملے میں حماس کے نئے فوجی سربراہ اور 7 اکتوبر حملوں کے دوران حماس کے انٹیلی جنس ہیڈکوارٹر کے سابق سربراہ محمد عودہ ہلاک ہو گئے۔

اسرائیلی وزیرِ اعظم بنیامین نیتن یاہو کے دفتر کی جانب سے سوشل میڈیا پلیٹ فارم ایکس پر جاری بیان میں کہا گیا کہ محمد عودہ 7 اکتوبر حملوں کے وقت حماس کی انٹیلی جنس کے سربراہ تھے اور انہیں عزالدین حداد کی ہلاکت کے بعد ایک ہفتہ قبل حماس کے عسکری ونگ کا نیا کمانڈر مقرر کیا گیا تھا۔

بیان میں کہا گیا کہ محمد عودہ اسرائیلی شہریوں اور فوجی اہلکاروں کے ہلاکت، اغوا اور زخمی ہونے کے واقعات کے ذمہ دار تھے۔

اسرائیلی وزیرِ اعظم کے دفتر نے مزید کہا کہ 7 اکتوبر حملوں میں شامل تمام افراد کا تعاقب جاری رکھا جائے گا۔

دوسری جانب حماس نے تاحال حماس کے عسکری ونگ عزالدین القسام کے نئے کمانڈر محمد عودہ کی ہلاکت کی تصدیق یا تردید نہیں کی ہے۔