قطر میں سیکیورٹی فورسز کا آپریشن، ایران کے 10 جاسوس گرفتار

دوحہ (ڈیلی اردو) قطر کے سرکاری خبر رساں ادارے نے بتایا ہے کہ قطری سکیورٹی فورسز نے بدھ کی علی الصبح پاسدارانِ انقلاب (آئی آر جی سی) کے لیے مبینہ طور پر کام کرنے والے 10 افراد کو گرفتار کیا ہے۔

خبر رساں ادارے کے مطابق سات مشتبہ افراد کو ملک کے اہم اور عسکری بنیادی ڈھانچے سے متعلق خفیہ معلومات جمع کرنے کی ذمہ داری سونپی گئی تھی۔

مزید کہا گیا ہے کہ جاسوسی کے الزام میں گرفتار کیے گئے تین دیگر افراد خاص طور پر ڈرون استعمال کرنا جانتے تھے۔

سرکاری خبر رساں ادارے کے مطابق تحقیقات کے دوران ملزمان نے ایرانی پاسدارانِ انقلاب کے ساتھ اپنے مبینہ روابط کا اعتراف کیا اور بتایا کہ انہیں جاسوسی اور تخریبی کارروائیاں انجام دینے کی ذمہ داری سونپی گئی تھی۔