لاہور: خاتون اول بشریٰ بی بی کا بیٹا موسیٰ خاور کے خلاف شراب کا مقدمہ درج

لاہور (ڈیلی اردو) پنجاب پولیس نے خاتون اول بشریٰ کے بیٹے موسیٰ خاور کے خلاف شراب کا مقدمہ درج کرلیا۔

تفصیلات کے مطابق لاہور کے تھانہ غالب مارکیٹ میں درج مقدمے کے متن کے مطابق کار سوار ملزمان کو ظہورالہٰی روڈ پر روکا گیا جن کے قبضے سے ایک بوتل شراب اور دو کین بیئر برآمد ہوئی۔

پولیس کے مطابق گاڑی میں تین افراد سوار تھے جن کی شناخت پاکپتن کے موسیٰ ولد خاور مانیکا، محمد احمد ولد احمد رضا اور لاہور سے تعلق رکھنے والے احمد شہریار ولد اعجاز کے ناموں سے ہوئی ہے۔ تینوں ہی شراب کے نشے میں دھت تھے، ملزمان کا سروسز ہسپتال میں چیک اپ کروایا گیا جہاں ڈاکٹر نے شراب نوشی کی تصدیق کی جس کے بعد پولیس نے مقدمہ درج کرلیا۔

صحافی سعید چوہدری کا کہنا ہے کہ موسیٰ خاور اور ان کے ڈرائیور کو شخصی ضمانت پر رہا کردیا گیا ہے جب کہ ان کا دوست تاحال پولیس حراست میں ہیں۔

موسیٰ ولد خاور مانیکا پاکپتن والے شرابی دوست اور ڈرائیور سمیت گرفتار،شرابی دوست اندر موسیٰ اور ڈرائیور شخصی ضمانت پر رہا، pic.twitter.com/VqoKa8GXod

— Saeed Chaudhary (@saeedchaudhary6) February 21, 2022

انہوں نے بتایا کہ موسیٰ اور ان کے ڈرائیور نے شراب نہیں پی رکھی تھی جس کے باعث انہیں رہا کیا گیا جب کہ پچھلی نشست پر بیٹھا ان کا دوست احمد شہریار شراب کے نشے میں تھا جس کی وجہ سے اسے رہا نہیں کیا گیا۔