لاہور سمیت پنجاب سے 4 مبینہ دہشت گرد گرفتار

لاہور (ڈیلی اردو) دہشت گردی کے خدشات کے پیش نظر کاؤنٹر ٹیررزم ڈیپارٹمنٹ پنجاب (سی ٹی ڈی) نے لاہور سمیت پنجاب کے مختلف شہروں میں کارروائی کرتے ہوئے چار مبینہ دہشت گردوں کو گرفتار کرلیا۔

سی ٹی ڈی حکام کے مطابق لاہور کے سرحدی علاقے باٹا پور میں کارروائی کرتے ہوئے ایک مبینہ دہشت گرد کو گرفتار کرلیا گیا جبکہ منڈی بہاؤالدین، نارووال، جہلم سے بھی تین مبینہ دہشت گردوں افراد کو گرفتار کیا گیا ہے۔

سی ٹی ڈی حکام کے مطابق مختلف اضلاع میں 46 مقامات پر کومبنگ اینڈ سرچ آپریشن کیے، ان کارروائیوں کے دوران 467 افراد کی بائیو میٹرک تصدیق کی جبکہ 2694 افراد سے پوچھ گچھ کے دوران 3 مشتبہ افراد کی نشاندہی ہوئی۔

سی ٹی ڈی حکام کے مطابق گرفتار افراد کے خلاف 4 مقدمات درج کر لیے گئے جبکہ ملزمان کو تفتیش کے لیے نامعلوم مقام پر منتقل کردیا گیا ہے۔