لاہور: پنجاب سے کالعدم تحریک طالبان پاکستان کے 5 مبینہ دہشت گرد گرفتار

لاہور (غ م ب) کاؤنٹر ٹررزم ڈپارٹمنٹ (سی ٹی ڈی) نے لاہور سمیت پنجاب کے دیگر شہروں میں کارروائیاں کرتے ہوئے 5 دہشت گردوں کو گرفتار کر کے دہشت گردی کا منصوبہ ناکام بنا دیا اور دہشت گردوں کے قبضے سے اسلحہ و بارود برآمد کرلیا۔

سی ٹی ڈی حکام کا کہنا ہے کہ انٹیلی جنس بیسڈ آپریشن کے دوران لاہور، ساہیوال اور گوجرانولہ سے 5 دہشت گرد گرفتارکیا ہے جن کی شناخت انعام الحق، مسکین اللہ، واحد خان، شیر نقیب، شاہ ولی کے نام سے ہوئی ہے۔

حکام کے مطابق دہشت گردوں کا تعلق کالعدم تحریکِ طالبان پاکستان (ٹی ٹی پی) سے ہے جن کے قبضے سے بارودی مواد، اسلحہ، خودکش جیکٹ بنانے کا سامان برآمد کیا ہے۔

سی ٹی ڈی پنجاب نے لاہور، گوجرانولہ اور ساہیوال میں کارروائیاں کر کے کالعدم تحریک طالبان پاکستان کے 5 مبینہ دہشت گردوں کو گرفتار کر لیا، دہشت گردوں کے قبضے سے بارودی مواد، اسلحہ، خودکش جیکٹ بنانے کا سامان برآمد، ترجمان سی ٹی ڈی#CTD #TTP #Punjab #Pakistan

— Shabbir Hussain Turi (@ShabbirTuri) January 7, 2023

سی ٹی ڈی حکام نے گرفتاردہشت گرد کے خلاف 4 مقدمات درج کرکے تفتیش کیلئے نامعلوم مقام پر منتقل کردیا ہے جبکہ آئی جی پنجاب کی ہدایت پر ایک ہفتے کے دوران 526 کومبنگ آپریشن کیے ہیں۔

حکام کے مطابق کومبنگ آپریشنزمیں 130 مشتبہ افراد کو حراست میں لیا گیا اور 21 ہزار 227 افراد سے پوچھ گچھ کی گئی۔