لبنان میں اقوامِ متحدہ کی امن فوج پر دو حملے، تین اہلکار ہلاک، تین زخمی

نیو یارک (نمائندہ ڈیلی اردو) گزشتہ 24 گھنٹوں کے دوران لبنان میں اقوامِ متحدہ کی امن فوج (UNIFIL) پر ہونے والے حملوں میں تین اہلکار ہلاک جبکہ تین زخمی ہو گئے ہیں۔

اقوامِ متحدہ کے مطابق پیر کے روز جنوبی لبنان میں امن فوج کے دو اہلکار اس وقت ہلاک ہو گئے جب بنی حیّان کے قریب ایک نامعلوم دھماکے سے ان کی گاڑی تباہ ہو گئی۔

یونیفیل کے بیان کے مطابق اس حملے میں ایک اہلکار شدید زخمی ہوا جسے ہسپتال منتقل کیا گیا، جبکہ ایک اور اہلکار بھی زخمی ہوا۔

یونیفیل کا کہنا ہے کہ یہ 24 گھنٹوں کے دوران دوسرا مہلک واقعہ ہے، اور ادارے نے متاثرہ خاندانوں سے اظہارِ تعزیت کیا ہے۔

اس سے قبل اتوار کی رات جنوبی لبنان میں ایک علیحدہ واقعے میں ایک امن فوجی ہلاک اور دوسرا شدید زخمی ہوا تھا۔