لکی مروت اور ٹانک میں سیکورٹی فورسز کی کارروائیاں، کالعدم ٹی ٹی پی کے دو کمانڈر ہلاک

پشاور (بیورو رپورٹ) صوبہ خیبر پختونخوا ضلع لکی مروت اور ٹانک میں پولیس، سی ٹی ڈی اور سیکورٹی فورسز کی کارروائیوں کے دوران کالعدم تنظیم کے دو اہم کمانڈر ہلاک ہوگئے۔

تفصیلات کے مطابق ضلع لکی مروت کے علاقہ تور لونگ خیل میں سی ٹی ڈی نے اہم کارروائی کرتے ہوئے کالعدم تنظیم تحریک طالبان پاکستان کا اہم کمانڈر انعام لمبہ مارا گیا۔

پولیس ذرائع نے ڈیلی اردو بتایا ہے کہ جس گھر میں اس کمانڈر نے پناہ لے رکھِی تھی اس گھر کی ایک لڑکی بھی اس کارروائی کے دوران ہلاک ہوئی ہے۔

اس کاررووائی کے دوران ایک اور حملہ آور کے بھی زخمی ہونے کی اطلاع ہے۔

ادھر سیکورٹی فورسز نے ٹانک سٹی میں انٹیلی جنس بیسڈ آپریشن کے دوران کالعدم تحریک طالبان پاکستان ضرار گنڈا پور گروپ کے کمانڈر خوشدل کو ہلاک کردیا۔

ہلاک دہشت گرد کمانڈر سیکیورٹی فورسز اور شہریوں پر حملوں میں ملوث تھے، جبکہ علاقے میں دیگر ممکنہ دہشت گردوں کی موجودگی کے پیش نظر کلیئرنس آپریشن جاری ہے۔