لکی مروت: شدت پسندوں کے راکٹ حملے میں ڈی ایس پی کی گاڑی تباہ

لکی مروت (ڈیلی اردو) صوبہ خیبر پختونخوا کے ضلع لکی مروت کے نواحی علاقے وانڈہ احسان پور کے قریب دریائے کرم کے کنارے جنگل میں پولیس اور شدت پسندوں کے درمیان جھڑپ ہوئی ہے۔

ضلع لکی مروت کے نواحی علاقے احسان پور میں پولیس اور دہشت گردوں کی درمیان شدید فائرنگ کا تبادلہ، راکٹ لانچر کا گولہ لگنے سے پولیس وین جل کر تباہ، ہلاکتوں کا خدشہ#LakkiMarwat #Pakistan

— Shabbir Hussain Turi (@ShabbirTuri) January 19, 2023

سرکاری ذرائع کے مطابق شدت پسندوں نے پولیس پر راکٹ لانچر سے حملہ کیا اور ایک راکٹ لگنے سے ڈی ایس پی اقبال مہمند کی گاڑی کو شدید نقصان پہنچا ہے تاہم راکٹ حملے میں کوئی جانی نقصان کی اطلاع نہیں۔

ذرائع کا مزید کہنا کہ پولیس اور سیکورٹی فورسز نے علاقے کو گھیرے میں لے لیا ہے اور وقفے وقفے سے فائرنگ کا سلسلہ جاری ہے۔

لکی مروت احسن پور علاقے میں آج دوبارہ آپریشن ہوگا#khybernews #pashtonews #LakkiMarwat pic.twitter.com/2HqMVE3sz5

— Khyber News (@KhyberNews247) January 20, 2023

ادھر سکیورٹی فورسز نے جنگل کو آگ لگا دی ہے جس کے شعلے لکی مروت شہر سے دکھائی دیتے ہیں۔

دوسری جانب کالعدم تحریک طالبان پاکستان نے ڈی ایس پی کی گاڑی پر راکٹ حملے کی ذمہ داری قبول کرلی، ترجمان محمد خراسانی نے دعویٰ کیا ہے کہ کے مجاہدین نے گھات لگاکر پولیس پر حملہ کیا، حملے میں پولیس کی 3 گاڑیاں تباہ ہوئیں اور اس میں سوار اہلکار ہلاک و زخمی ہوئے، جبکہ مجاہدین مکمل طور پر محفوظ رہے.